ខ្សាច់ពីកម្ពុជារួមចំណែកដល់កំណើនដីនៅសិង្ហបុរី

• Proeksa Meas
• 25 ខែ​កក្កដា 2019
• Uncategorized @km
• 497 មើល

របាយការណ៍របស់អង្គការសហប្រជាជាតិបានរៀបរាប់លម្អិតអំពីរបៀបដែលការកើនឡើងនៃតម្រូវការខ្សាច់ និងក្រួសរបស់ពិភពលោក បាននិងកំពុងជះឥទ្ធិពលយ៉ាងអវិជ្ជមានទៅលើប្រទេសកំពុងអភិវឌ្ឍន៍ ដោយក្នុងនោះ ប្រទេសសិង្ហបុរីបានក្លាយជាគំរូមួយ ដោយសារតម្រូវការខ្សាច់ និងក្រួសរបស់ពួកគេ។

របាយការណ៍របស់អង្គការសហប្រជាជាតិបានរៀបរាប់លម្អិតអំពីការអន់ថយនៃបរិស្ថានដែលបណ្តាលមកពីការបូមដោយឥតឈប់ឈរ ថ្វីបើមានការរីកចម្រើននៃជីវភាពរស់នៅដោយសារការអភិវឌ្ឍន៍ហេដ្ឋារចនាសម្ព័ន្ធក៏ដោយ។ របាយការណ៍នេះ ធ្វើឡើងស្របពេលដែលតម្រូវការពិភពលោកខ្សាច់ និងក្រួសកើនឡើងបីដងក្នុងរយៈពេល ២០ឆ្នាំចុងក្រោយនេះ ហើយបច្ចុប្បន្ន តម្រូវការមានចំនួនដល់ទៅ ៥០ ពាន់លានតោនក្នុងមួយឆ្នាំ និងត្រូវបានព្យាករណ៍ថានឹងកើនឡើង ៥,៥ ភាគរយក្នុងមួយឆ្នាំៗ។

ប្រទេសសិង្ហបុរីគឺជាប្រទេសនាំខ្សាច់ធំបំផុតរបស់ពិភពលោក និងបានបង្កើនផ្ទៃដីរបស់ខ្លួនបានច្រើនជាង ២០ ភាគរយក្នុងរយៈពេល ៤០ ឆ្នាំចុងក្រោយនេះ ដោយការចាក់ខ្សាច់ និងក្រួសចូលទៅក្នុងសមុទ្រ។ យោងតាមរបាយការណ៍របស់អង្គការសហប្រជាជាតិបានឱ្យដឹងថា ការសឹករិចរិលឆាប់រហ័សនៃដីនៅក្នុងតំបន់គឺបណ្តាលមកពីខ្សាច់ដែលបានមកពីការបូមចេញពីប្រទេសកម្ពុជា និងវៀតណាម។