English
កម្មវិធី Bentley MicroStation ជួយតភ្ជាប់តំបន់ដាច់ស្រយាលបំផុតនៃប្រទេសកូឡុំប៊ី
ក្រុមហ៊ុនអាកាសចរណ៍រដ្ឋរបស់ប្រទេសកូឡុំប៊ី SATENA កំពុងប្រើប្រាស់កម្មវិធីវិស្វកម្មទំនើបថ្មីមួយដែលហៅថា “ផ្លូវដែលមើលមិនឃើញនៅលើមេឃ” ដើម្បីធ្វើឱ្យការហោះហើរទៅតំបន់ភ្នំ និងព្រៃដែលដាច់ស្រយាលបំផុត បានងាយស្រួលជាងមុន។ ជាទូទៅ នៅក្នុងតំបន់ភ្នំដ៏ខ្ពស់ និងព្រៃក្រាស់នៃប្រទេសកូឡុំប៊ី គឺពិបាកចូលទៅដលណាស់ ពោលគឺគ្មានផ្លូវនោះ។ សម្រាប់អ្នករស់នៅតំបន់នោះវិញ ដើម្បីទៅជួបគ្រូពេទ្យ ទៅសាលារៀន ឬទៅផ្សារ គឺត្រូវធ្វើដំណើរយ៉ាងលំបាកជាច្រើនថ្ងៃតាមទូក និងការជិះសត្វលា។ ដូច្នេះ ការជិះយន្តហោះគឺចាំបាច់បំផុត ពិសេសនៅពេលមានអាសន្ន។ ប៉ូន្តែ ការហោះហើរនៅក្នុងប្រទេសកូឡុំប៊ី គឺជាពិបាកណាស់ដោយសារតែស្ថានភាពភូមិសាស្ត្រ ដែលមានភ្នំ ព្រៃ និងជ្រលងច្រើន។ អ្នកបើកបរយន្តហោះជួយភាពលំបាកយ៉ាងខ្លាំង ដោយហោះកាត ជ្រលងភ្នំដ៏ចង្អៀត កំពូលភ្នំខ្ពស់ៗ និងអាកាសធាតុដែលមិនល្អ។ ដូច្នេះ ជើងហោះទៅតំបន់ដាច់ស្រយាលទាំងនោះគឺមានតិចបំផុត។ ដើម្បីដោះស្រាយបញ្ហានេះ ក្រុមហ៊ុនបានប្រើកម្មវិធី Bentley MicroStation ដើម្បីបង្កើតជាផែនទីគំរូនៃស្ថានភាពភូមិសាស្ដ្រដើម្បីជួយដល់វិស្វករ។ កម្មវិធីកុំព្យូទ័រនេះ ជួយឱ្យវិស្វកររចនាផ្លូវអាកាសជាលក្ខណៈ 3D យ៉ាងជាក់លាក់ ដែលបង្ហាញអ្នកបើកបរយន្តហោះឱ្យដឹងច្បាស់ថា ត្រូវបត់នៅកន្លែងណា និងត្រូវហោះហើរក្នុងកម្ពស់ប៉ុណ្ណា ដើម្បីជៀសផុតពីឧបសគ្គភ្នំ។ ការរៀបចំផែនទីឌីជីថលនេះ ធានាថាទោះបីជាយន្តហោះមានបញ្ហាម៉ាស៊ីនក្នុងពេលហោះឡើងក៏ដោយ ក៏វានៅតែមានផ្លូវសុវត្ថិភាពដែលត្រូវបានធានាសម្រាប់ការហោះហើរទៅមុខទៀត។ ដំណើរការនេះចាប់ផ្តើមដោយការយកទិន្នន័យអំពីកម្ពស់ភ្នំ និងទីតាំងផ្លូវរត់យន្តហោះ ដើម្បីបង្កើតជាគំរូឌីជីថលនៃផ្ទៃដី។ បន្ទាប់មក ក្រុមការងារអាចរចនាផ្លូវហោះហើរដែលត្រង់ជាងមុន […]
កម្ពុជា-សិង្ហបុរី ប្តេជ្ញាខិតខំបង្កើនទំហំពាណិជ្ជកម្មឱ្យសម្រេចបាន១០ពាន់លានដុល្លារនៅឆ្នាំបន្តបន្ទាប់
កម្ពុជា-សិង្ហបុរី បានប្តេជ្ញារួមគ្នាថា នឹងខិតខំបង្កើនទំហំពាណិជ្ជកម្មទ្វេភាគីឱ្យសម្រេចបាន១០ប៊ីលានដុល្លារអាម៉េរិកនៅឆ្នាំបន្តបន្ទាប់ទៀត ខណៈមកដល់ពេលនេះពាណិជ្ជកម្មរវាងប្រទេសទាំងពីរសម្រេចបានប្រមាណ ៥ប៊ីលានដុល្លារអារមេរិក។ នេះបើយោងតាមជំនួបពិភាក្សារវាងសម្តេចតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា ជាមួយលោកស្រី Teo Lay Cheng ឯកអគ្គរដ្ឋទូតនៃសាធារណរដ្ឋសិង្ហបុរីប្រចាំនៅកម្ពុជា កាលថ្ងៃទី៤ ខែមីនា ឆ្នាំ២០២។ នាឱកាសនោះ សម្តេចតេជោ ហ៊ុន សែន បានលើកឡើងពីទំហំពាណិជ្ជកម្មរវាងកម្ពុជា និងសិង្ហបុរី ដែលមានការកើនឡើង និងមានការពេញចិត្ត ដែលពេលនេះទំហំពាណិជ្ជកម្មរវាងប្រទេសទាំងពីរមានការកើនឡើងដល់ជាង ៥ប៊ីលានដុល្លារអាម៉េរិក ហើយសម្ដេចសង្ឃឹមថារដ្ឋាភិបាលនៃប្រទេសទាំងពីរនឹងខិតខំប្រឹងប្រែងដាក់គោលដៅបន្តទៀតធ្វើយ៉ាងណាសម្រេចឱ្យបាន១០ប៊ីលានដុល្លារនៅឆ្នាំបន្តបន្ទាប់នេះ។ សម្ដេចតេជោ ក៏បានចាត់ទុកថាទំនាក់ទំនងនយោបាយការទូត និងទំនាក់ទំនងពាណិជ្ជកម្ម សេដ្ឋកិច្ច និងការវិនិយោគនេះ គឺជារឿងដ៏ចាំបាច់ ដែលជាផ្នែកក្នុងការរុញច្រាននូវទំនាក់ទំនងរវាងកម្ពុជានិងសិង្ហបុរីឱ្យមានភាពល្អប្រសើរ។ ជាមួយគ្នានេះ លោកស្រី Teo Lay Cheng ឯកអគ្គរដ្ឋទូតសិង្ហបុរីប្រចាំនៅកម្ពុជា បានរំលេចអំពីទំនាក់ទំនងរវាងកម្ពុជានិងសិង្ហបុរី ដែលមានភាពរីកចម្រើនជាបន្តបន្ទាប់ ខណៈលោកស្រី ក៏បានប្តេជ្ញាបន្ត បង្កើនទំហំពាណិជ្ជកម្ម និងនយោបាយប្រទេសទាំងពីរឱ្យកាន់រីកចម្រើនទៅទន្ទឹមគ្នា។ សូមរំឭកដែរថា កាលពីឆ្នាំ២០២៥ កម្ពុជា-សិង្ហបុរី សម្រេចបានទំហំពាណិជ្ជកម្ម ២,៣៤១ប៊ីលានដុល្លារ កើនឡើង ៨៨.៩៧% បើធៀបនឹងរយៈពេលដូចគ្នា […]
រដ្ឋរៀបចំផែនការប្រើប្រាស់ដីក្នុងតំបន់រមណីយដ្ឋានអង្គរនិងដីតំបន់ជុំវិញបឹងទន្លេសាប
រាជរដ្ឋាភិបាលបានពិនិត្យ និងពិភាក្សាលើការកំណត់លក្ខខណ្ឌនៃការប្រើប្រាស់ដី និងប្លង់គោលនៃការប្រើប្រាស់ដី នៅទូទាំងខេត្តសៀមរាប ដោយផ្តោតលើតំបន់រមណីយដ្ឋានអង្គរ និងផែនការប្រើប្រាស់ដីតំបន់ជុំវិញបឹងទន្លេសាប។ នេះបើយោងតាមកិច្ចប្រជុំ ធ្វើឡើងក្រសួងក្រសួងរៀបចំដែនដី នគរូបនីយកម្ម និងសំណង់ កាលថ្ងៃទី២ ខែមីនា ឆ្នាំ២០២៦។ កិច្ចប្រជុំ បានឱ្យដឹងថា គណៈកម្មាការរៀបចំដែនដី និងនគរូបនីយកម្ម បានរៀបចំកំណត់លក្ខខណ្ឌនៃការប្រើប្រាស់ដី និងប្លង់គោលនៃការប្រើប្រាស់ដី នៅទូទាំងខេត្តសៀមរាប ដោយផ្តោតជាសំខាន់ លើ ១១៤ភូមិ នៅក្នុងតំបន់រមណីយដ្ឋានបេតិកភណ្ឌពិភពលោកអង្គរ និងគ្រប់ឃុំ នៅតំបន់១ តំបន់២ និងតំបន់៣ នៅខេត្តជុំវិញតំបន់បឹងទន្លេសាបទាំងអស់ ក្នុងគោលបំណងថែរក្សាការពារបេតិកភណ្ឌពិភពលោកអង្គរ ថែរក្សាអាយុជីវិតបឹងទន្លេសាប កសាងខឿនសេដ្ឋកិច្ចជាតិ និងលើកស្ទួយជីវភាពអ្នកស្រុកអង្គរ និងអ្នកបឹងទន្លេសាប។ យោងតាមរបាយការណ៍ តំបន់១ និងតំបន់២ នៃរមណីយដ្ឋានបេតិភណ្ឌពិភពលោកអង្គរ សរុបមានចំនួន១១៤ ភូមិ ដោយចែកជាតំបន់ឧទ្យានកណ្តាល តំបន់បន្ទាយស្រី និងតំបន់រលួស ហើយការប្រើប្រាស់ដីត្រូវបានកំណត់លក្ខខណ្ឌទៅតាមទីតាំង ១.ទីតាំងត្រូវការពារដាច់ខាត ២.ទីតាំងទ្រនាប់ ៣.ទីតាំងភូមិឋានជនបទ ៤.ទីតាំងភូមិឋានទីប្រជុំជន ៥.ទីតាំងអាជីវកម្ម និង ៦.ទីតាំងកសិកម្ម។ ចំណែកផ្ទៃដីតំបន់ទាំងបី បន្ទាប់ពីការពិនិត្យឡើងវិញ និងចុះផ្ទៀងផ្ទាត់ក្នុងភូមិសាស្ត្រខេត្តទាំង៦ជុំវិញបឹងទន្លេសាប ក្នុងឆ្នាំ២០២៤គឺ […]
ស្ថានីយប្រព្រឹត្តកម្មទឹកកខ្វក់ក្រុងសិរីសោភ័ណ្ឌ សមត្ថភាពចម្រោះ ៣៥០០ម៉ែត្រគូបក្នុង១ថ្ងៃ ជិតបញ្ចប់ជាស្ថាពរ
ស្ថានីយប្រព្រឹត្តកម្មទឹកកខ្វក់ក្រុងសិរីសោភ័ណ្ឌ ដែលមានសមត្ថភាពចម្រោះ ៣៥០០ម៉ែត្រ ក្នុង១ថ្ងៃ បច្ចុប្បន្នសម្រេចការសងសង់បាន ៩០% ហើយ។ នេះបើយោងតាមដំណើរចុះពិនិត្យវឌ្ឍនភាពការងារ និងបញ្ហាប្រឈមនៃការគ្រប់គ្រង ប្រតិបត្តិការ និងថែទាំប្រព័ន្ធចម្រោះទឹកកខ្វក់ នៅខេត្តបន្ទាយមានជ័យ ដឹកនាំដោយឯកឧត្តម គួច ប៊ុនលាត រដ្ឋលេខាធិការ ក្រសួងសាធារណការ និងដឹកជញ្ជូន កាលពីខែកុម្ភៈ ឆ្នាំ២០២៦។ ប្រព័ន្ធចម្រោះទឹកកខ្វក់ ក្នុងក្រុងសិរិសោភ័ណ្ឌ ខេត្តបន្ទាយមានជ័យ គឺជាគម្រោងដែលស្ថិតក្រោមផែនការគម្រោងឆ្នាំ២០២៦។ ស្ថានីយប្រព្រឹត្តកម្មទឹកកខ្វក់ មានសមត្ថភាពចម្រោះ ៣៥០០ម៉ែត្រក្នុង១ថ្ងៃ បច្ចុប្បន្នសម្រេចសម្រេចការងារសាងសង់បាន ៩០% ដែលគ្រោងបញ្ចប់គម្រោងសាងសង់ជាស្ថាពរនៅខែមិថុនា ឆ្នាំ២០២៦ ខាងមុខនេះ។ ឆ្លៀតឱកាសនោះ ឯកឧត្តមរដ្ឋលេខាធិការ ក៏បានណែនាំដល់មន្ទីរខេត្តបន្ទាយមានជ័យ ត្រៀមខ្លួនក្នុងការបណ្តុះបណ្តាលមន្រ្តីសម្រាប់ការប្រតិបត្តិការ និងថែទាំស្ថានីយប្រព្រឹត្តម្មទឹកកខ្វក់ ដែលនឹងបញ្ចប់នាពេលឆាប់នេះ ដើម្បីលើកកម្ពស់សោភណ្ឌភាពខេត្ត សំដៅទុកជាប្រយោជន៍ជូនដល់ប្រជាពលរដ្ឋ។ ចំពោះតម្លៃនៃគម្រោងតម្លៃនៃគម្រោង ប្រភពថវិកា និងក្រុមហ៊ុនម៉ៅការសាងសង់មិនត្រូវបានបញ្ចេញជាសាធារណៈនៅឡើយ។ - Video Advertisement -
មកស្គាល់ពីវិធីគិតរបស់វិស្វករឆ្នើម និងនាយកផ្នែកបច្ចេកវិទ្យារបស់ក្រុមហ៊ុន Bentley
លោក Julien Moutte ដែលជានាយកផ្នែកបច្ចេកវិទ្យានៃក្រុមហ៊ុន Bentley Systems មានទស្សនៈវិស័យមួយដ៏សាមញ្ញគឺ ការបំបាត់រាល់ឧបសគ្គនៃការចូលប្រើប្រាស់ និងការធ្វើឱ្យអ្វីៗគ្រប់យ៉ាងមានតម្លាភាព។ ខុសពីថ្នាក់ដឹកនាំដទៃ លោកមិនអង្គុយក្នុងបន្ទប់ធ្វើការដាច់ដោយឡែកនោះទេ ប៉ុន្តែលោកអង្គុយនៅកណ្តាលការិយាល័យរួមជាមួយបុគ្គលិកដទៃទៀត ដើម្បីឱ្យគ្រប់គ្នាអាចចូលមកពិភាក្សា និងសួរដេញដោលជាមួយលោកបានគ្រប់ពេលវេលា។ ចំណូលចិត្តក្នុងការស្វែងយល់ពីប្រព័ន្ធដែលបិទជិតរបស់លោក បានចាប់ផ្តើមតាំងពីវ័យជំទង់ នៅពេលដែលលោកបានរៀនសរសេរកម្មវិធីកុំព្យូទ័រដោយខ្លួនឯង និងបានលួចកែច្នៃម៉ាស៊ីនគិតលេខវិទ្យាសាស្ត្រ ដើម្បីរកអាថ៌កំបាំងនៃប្រព័ន្ធរបស់វា។ បទពិសោធន៍ទាំងនេះបានបង្រៀនលោកថា ព័ត៌មាន និងបច្ចេកវិទ្យានឹងដំណើរការបានល្អបំផុត នៅពេលដែលវាត្រូវបានចែករំលែកជាសាធារណៈ។ នៅក្រុមហ៊ុន Bentley លោក Moutte បានយកគោលការណ៍ “បើកចំហ” នេះមកអនុវត្តក្នុងការរចនាកម្មវិធីវិស្វកម្មសំណង់ស៊ីវិល។ លោកជឿជាក់ថា ទិន្នន័យនៃហេដ្ឋារចនាសម្ព័ន្ធដូចជា ស្ពាន និងផ្លូវថ្នល់ មិនគួរត្រូវបានចាក់សោទុកក្នុងប្រព័ន្ធណាមួយនោះទេ ប៉ុន្តែវាត្រូវតែអាចប្រើប្រាស់បានក្នុងរយៈពេលរាប់សិបឆ្នាំទៅមុខទៀតតាមរយៈប្រព័ន្ធបើកចំហ (Open Source)។ សម្រាប់លោក Moutte ការបើកចំហមិនមែនត្រឹមតែជាយុទ្ធសាស្ត្រធុរកិច្ចប៉ុណ្ណោះទេ ប៉ុន្តែវាគឺជាការផ្តល់ផលប្រយោជន៍ដល់សង្គម។ លោកតែងតែចែករំលែកទាំងចំណេះដឹងបច្ចេកវិទ្យាដល់ក្រុមការងារ ដោយប្រកាន់ខ្ជាប់នូវជំនឿថា “យើងត្រូវតែផ្តល់ឱ្យគេមុន ទើបយើងនឹងទទួលបានមកវិញ”។ តាមរយៈការធ្វើឱ្យបច្ចេកវិទ្យាអាចមើលឃើញ និងអាចចូលប្រើបាន លោកកំពុងជួយកសាងទីក្រុងឱ្យកាន់តែមានសុវត្ថិភាព និងមានភាពធន់ជាងមុនសម្រាប់មនុស្សគ្រប់គ្នា។ - Video Advertisement -
ប្រវែងផ្លូវសរុបនៅប្រទេសកម្ពុជា ក្នុងឆ្នាំ២០២៥ មានប្រវែង ២០,៧៣ ពាន់គីឡូម៉ែត្រ
ប្រវែងផ្លូវសរុបនៅក្នុងប្រទេសកម្ពុជា គិតត្រឹមឆ្នាំ២០២៥ មានប្រវែង ២០ ៧៣៣,៩១គ.ម. ដែលមានការកើនឡើងប្រមាណជា ៤២៦,៣២គ.ម. បើធៀបទៅនឹងរយៈពេលដូចគ្នាកាលឆ្នាំ២០២៤។ នេះបើយោងតាមរបាយការណ៍វឌ្ឍនភាពប្រចាំឆ្នាំ២០២៥ ស្តីពីការអនុវត្តផែនការមេគ្រប់ជ្រុងជ្រោយស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣ របស់ក្រសួងសាធារណការ និងដឹកជញ្ជូន កាលពីថ្ងៃទី២៥ ខែកុម្ភៈ ឆ្នាំ២០២៦។ របាយការណ៍ខាងលើ បានឱ្យដឹងថា បណ្តាញផ្លូវថ្នល់នៅក្នុងប្រទេសកម្ពុជា បានដើរតួនាទីដ៏សំខាន់សម្រាប់វិស័យដឹកជញ្ជូន និង ជំរុញកំណើនសេដ្ឋកិច្ចជាតិ តាមរយៈការដឹកជញ្ជូនទំនិញសម្រាប់ការធ្វើពាណិជ្ជកម្ម ផលិតផលកសិកម្ម និងអ្នកដំណើរ។ ជាក់ស្តែង ឆ្នាំ២០២៥ ប្រវែងផ្លូវសរុបនៅក្នុងប្រទេសកម្ពុជាមានប្រវែង ២០ ៧៣៣,៩១គ.ម. ដែលមានការកើនឡើងប្រមាណជា ៤២៦,៣២ គ.ម. បើធៀបទៅនឹងឆ្នាំ២០២៤ មានប្រវែងសរុប ចំនួន ២០ ៣០៧,៦គ.ម.។ របាយការណ៍ខាងលើ ក៏បានបញ្ជាក់ផងដែរថា ដោយហេដ្ឋារចនាសម្ព័នផ្លូវថ្នល់ មានភាពប្រសើរឡើង ធ្វើឱ្យស្ថានភាពចរាចរណ៍ និងចំនួននៃការចុះបញ្ជីពីមួយឆ្នាំទៅមួយឆ្នាំ មានការកើនឡើង។ នៅក្នុងឆ្នាំ២០២៥ ចំនួននៃការចុះបញ្ជីយានយន្ត សរុបុមានចំនួន ៥២២ ៤៥៥ គ្រឿង ដោយក្នុងនោះមានរថយន្តធុនស្រាលមានចំនួន ៨៤ ២១៩គ្រឿង […]