ផែនការមេស្តីពីការតភ្ជាប់ប្រព័ន្ធដឹកជញ្ជូន និងភស្តុភារកម្ម គ្រោងបញ្ចប់នៅពាក់កណ្តាលឆ្នាំនេះ

9 ខែមករា 2020
Uncategorized @km
5 មើល

ផែនការមេស្តីពីការតភ្ជាប់ប្រព័ន្ធដឹកជញ្ជូន និងភស្តុភារកម្ម គ្រោងនឹងបញ្ចប់សេចក្តីព្រាងច្បាប់ នៅពាក់កណ្តាលឆ្នាំ២០២០នេះ ហើយដាក់ជូនគណៈរដ្ឋមន្រ្តីពិនិត្យ និងអនុម័ត។

ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា ផែនការមេស្តីពីការតភ្ជាប់ប្រព័ន្ធដឹកជញ្ជូន និងតស្តុរភាកម្ម នឹងត្រូវបញ្ចប់ការនៅត្រឹមខែឧសភាឆ្នាំនេះ បន្ទាប់ពីសេចក្តីព្រាងច្បាប់ផែនការអន្តរការ ត្រូវបានអនុម័តរួចហើយដោយអន្តរក្រសួង កាលពីថ្ងៃទី៦ ខែមករា ឆ្នាំ២០២០។

ផែនការមេអន្តរកាល នេះ ដើរតួនាទីយ៉ាងសំខាន់ក្នុងការចង្អុលទិស ក៏ដូចជាកំណត់នូវក្របខ័ណ្ឌរួមនៃផែនការអភិវឌ្ឍហេដ្ឋារចនាសម្ព័ន្ធ ដឹកជញ្ជូនគ្រប់មធ្យោបាយ រួមទាំងប្រព័ន្ធភស្តុភារកម្ម ដែលនឹងជួយបង្កើនប្រសិទ្ធភាពវិនិយោគសាធារណលើហេដ្ឋារចនាសម្ព័ន្ធដឹកជញ្ជូន និងចូលរួមជម្រុញកំណើនសេដ្ឋកិច្ចប្រកបដោយចីរភាព និងបរិយាបន្ន។

សេចក្តីព្រាងច្បាប់ផែនការមេអន្តរកាល នេះបាន រួមបញ្ជូលផែនការមេវិស័យចំនួន ៥ ដែលបានមកពីការសិក្សាយ៉ាងលំអិត ដោយដៃគូអភិវឌ្ឍន ក្នុងនោះ មាន៖ ផែនការមេដឹកជញ្ជូនតាមថ្នល់ និងផែនការសុវត្ថិភាពចរាចរណ៍ផ្លូវគោក ផែនការមេដឹកជញ្ជូនតាមផ្លូវដែក ផែនការមេដឹកជញ្ជូនតាមផ្លូវទឹក ផ្លូវសមុទ្រ និងកំពង់ផែ ផែនការមេកំពង់ផែស្វយ័តក្រុងព្រះសីហនុ និងកំពង់ផែស្វយ័តភ្នំពេញ និងផែនការមេភស្តុភារកម្ម។

ថ្លែងនៅក្នុងសន្និបាទប្រចាំឆ្នាំក្រសួងសាធារណការ និងដឹកជញ្ជូន កាលពីថ្ងៃទី៨ ឯកឧត្តម ស៊ុណ ចាន់ថុល បញ្ជាក់ថា ក្នុងរយៈពេលបន្ទាប់ ក្រុមប្រឹក្សាជាតិភស្តុរភារកម្ម កំណត់ផែនការ និងរៀបចំយន្តការមេគ្រប់ជ្រុងជ្រោយស្ពីពី ការតភ្ជាប់ប្រព័ន្ធដឹកជញ្ជូនពហុមធ្យោបាយ និងភស្តុភារកម្ម ដោយបំពេញបន្ថែមនូវសមាភាគសំខាន់ ពីរគឺ ការដឹកជញ្ជូនតាមផ្លូវអាកាស និងការដឹកជញ្ជូនពហុមធ្យោបាយ។

គួរបញ្ជាក់ថា សេចក្តីព្រាងផែនការមេអន្តរកាលស្តីពី ការតភ្ជាប់ប្រព័ន្ធដឹកជញ្ជូនពហុមធ្យោបាយ និងភស្តុភារកម្ម រៀបចំដោយក្រសួងសាធារណការ និងដឹកជញ្ជូន ដោយមានការកិច្ចសហការពីទីភ្នាក់ងារសហប្រតិបត្តិការអន្តរជាតិរបស់ប្រទេសជប៉ុន JICA តាំងពីខែកញ្ញា ឆ្នាំ២០១៨៕